ਨਿਵੇਸ਼ਕਾਂ ਲਈ CVL KRA ਨੇ ਆਸਾਨ ਕੀਤਾ KYC ਦਾ ਝੰਜਟ
ਨਵੀਂ ਡੀਮੈਟ ਖਾਤਾ ਖੋਲ੍ਹਣ, ਮਿਊਚੁਅਲ ਫੰਡ ਵਿੱਚ ਨਿਵੇਸ਼ ਕਰਨ ਜਾਂ ਨਵਾਂ ਸਟਾਕ ਬ੍ਰੋਕਰ ਚੁਣਨ ਜਾਂ ਬੈਂਕਿੰਗ ਸੇਵਾਵਾਂ ਸਮੇਂ ਵਾਰ-ਵਾਰ PAN, ਪਤੇ ਦਾ ਸਬੂਤ, ਫੋਟੋ, ਪਛਾਣ ਪੱਤਰ ਅਤੇ ਹੋਰ ਦਸਤਾਵੇਜ਼ ਜਮ੍ਹਾਂ ਕਰਵਾਉਣ ਦੀ ਪੁਰਾਣੀ ਪ੍ਰਕਿਰਿਆ ਹੁਣ ਕਾਫ਼ੀ ਬਦਲ ਚੁੱਕੀ ਹੈ। KYC Registration Agency (KRA) ਪ੍ਰਣਾਲੀ ਨੇ ਗਾਹਕਾਂ ਤੇ ਨਿਵੇਸ਼ਕਾਂ ਲਈ ਇਹ ਪ੍ਰਕਿਰਿਆ ਸੌਖੀ ਅਤੇ ਤੇਜ਼ ਬਣਾਈ ਹੈ।
ਇਸ ਰਾਹੀਂ ਪ੍ਰਾਪਤ ਹੁੰਦੇ CVL KRA ਦੇ ਹਵਾਲਾ ਨੰਬਰ ਨੂੰ ਜਰੂਰ ਸਾਂਭ ਕੇ ਰੱਖੋ। ਇਸ ਦਾ ਸਭ ਤੋਂ ਵੱਡਾ ਲਾਭ ਇਹ ਹੈ ਕਿ ਜਦੋਂ ਕਿਸੇ ਨਿਵੇਸ਼ਕ ਜਾਂ ਗਾਹਕ ਦਾ KYC ਰਿਕਾਰਡ KRA ਵੱਲੋਂ ‘Validate’ ਹੋ ਜਾਂਦਾ ਹੈ ਤਾਂ ਉਹ ਰਿਕਾਰਡ ਸਿਕਿਊਰਿਟੀਜ਼ ਮਾਰਕੀਟ ਵਿੱਚ ਪੋਰਟੇਬਲ ਬਣ ਜਾਂਦਾ ਹੈ। ਨਿਵੇਸ਼ਕ ਜਾਂ ਗਾਹਕ ਜਦੋਂ ਕਿਸੇ ਹੋਰ SEBI-ਰਜਿਸਟਰਡ ਬ੍ਰੋਕਰ, ਮਿਊਚੁਅਲ ਫੰਡ, ਪੋਰਟਫੋਲੀਓ ਮੈਨੇਜਰ ਜਾਂ ਡਿਪਾਜ਼ਿਟਰੀ ਪਾਰਟੀਸਿਪੈਂਟ ਕੋਲ ਜਾਂਦਾ ਹੈ ਤਾਂ ਸੰਬੰਧਿਤ ਸੰਸਥਾ KRA ਤੋਂ ਪ੍ਰਮਾਣਿਤ KYC ਵੇਰਵੇ ਪ੍ਰਾਪਤ ਕਰ ਸਕਦੀ ਹੈ। ਇਸ ਨਾਲ ਮੁੜ-ਮੁੜ ਦਸਤਾਵੇਜ਼ ਜਮ੍ਹਾਂ ਕਰਵਾਉਣ ਦੀ ਲੋੜ ਨਹੀਂ ਪੈਂਦੀ ਅਤੇ ਖਾਤਾ ਖੋਲ੍ਹਣ ਦੀ ਪ੍ਰਕਿਰਿਆ ਵੀ ਸੁਖਾਲੀ ਤੇ ਤੇਜ਼ ਹੋ ਜਾਂਦੀ ਹੈ।
ਨਿਵੇਸ਼ਕਾਂ ਲਈ ਇਹ ਵੀ ਜ਼ਰੂਰੀ ਹੈ ਕਿ ਉਹ ਆਪਣਾ KYC Status ਜਾਂਚਦੇ ਰਹਿਣ। CVL KRA ਅਨੁਸਾਰ ‘Validated’, ‘Registered’ ਅਤੇ ‘On-Hold’ ਵੱਖ-ਵੱਖ ਸਥਿਤੀਆਂ ਹਨ। ‘Validated’ ਰਿਕਾਰਡ ਸਭ ਤੋਂ ਵੱਧ ਪੋਰਟੇਬਿਲਟੀ ਪ੍ਰਦਾਨ ਕਰਦਾ ਹੈ। KYC ਵੇਰਵਿਆਂ ਵਿੱਚ ਤਬਦੀਲੀ ਹੋਣ ’ਤੇ ਉਨ੍ਹਾਂ ਨੂੰ ਅਪਡੇਟ ਕਰਵਾਉਣਾ ਵੀ ਲਾਜ਼ਮੀ ਹੈ।
ਨਿਵੇਸ਼ਕ ਜਾਂ ਗਾਹਕ ਆਪਣਾ PAN ਅਤੇ KRA Identifier ਨੰਬਰ ਸੰਭਾਲ ਕੇ ਰੱਖਣ ਅਤੇ ਆਪਣੇ KYC ਬਾਰੇ ਸਥਿਤੀ ਸਿਰਫ਼ ਅਧਿਕਾਰਤ ਵੈੱਬਸਾਈਟਾਂ ’ਤੇ ਹੀ ਜਾਂਚਣ। ਕਿਸੇ ਅਣਜਾਣ ਵਿਅਕਤੀ ਨਾਲ OTP ਜਾਂ ਨਿੱਜੀ ਦਸਤਾਵੇਜ਼ ਸਾਂਝੇ ਕਦੇ ਵੀ ਨਾ ਕਰੋ।
ਬੈਂਕਿੰਗ ਸਮੇਤ ਹੋਰ ਵਿੱਤੀ ਸੇਵਾਵਾਂ ਲਈ Central KYC Registry (CKYC) ਦੀ ਵੱਖਰੀ ਪ੍ਰਣਾਲੀ ਹੈ, ਜੋ KYC ਜਾਣਕਾਰੀ ਦੀ ਵਿਆਪਕ ਪੋਰਟੇਬਿਲਟੀ ਲਈ ਵਰਤੀ ਜਾਂਦੀ ਹੈ।