ਭਾਜਪਾ ਨੇ ਲੋਕਾਂ ਦੀਆਂ ਵੋਟਾਂ ਕਟਵਾਉਣ ਲਈ ਚੋਣ ਕਮਿਸ਼ਨ ਨੂੰ ਦਿੱਤੀਆਂ ਅਰਜ਼ੀਆਂ
ਨਵੀਂ ਦਿਲੀ 29 ਦਸੰਬਰ 2024 (ਫਤਿਹ ਪੰਜਾਬ ਬਿਊਰੋ) Aam Aadmi Party AAP ਆਮ ਆਦਮੀ ਪਾਰਟੀ ਦੇ ਮੁਖੀ ਅਰਵਿੰਦ ਕੇਜਰੀਵਾਲ ਨੇ ਵੱਡਾ ਦੋਸ਼ ਲਾਇਆ ਹੈ ਕਿ Bhartiya Janta Party BJP ਭਾਜਪਾ ਵੱਲੋਂ ਹਰਿਆਣਾ ਤੇ ਮਹਾਰਾਸ਼ਟਰ ਵਿਧਾਨ ਸਭਾ ਚੋਣਾਂ ਦੌਰਾਨ ਵਰਤੀ ਗਈ ਰਣਨੀਤੀ ਦਿੱਲੀ ਚੋਣਾਂ ਵਿਚ ਵੀ ਅਪਣਾਈ ਗਈ ਹੈ। ਉਨ੍ਹਾਂ ਨੇ ਭਾਜਪਾ ’ਤੇ 15 ਦਸੰਬਰ ਤੋਂ ਦਿੱਲੀ ’ਚ ਆਪਰੇਸ਼ਨ ਲੋਟਸ ਚਲਾਉਣ ਦਾ ਦੋਸ਼ ਲਗਾਉਂਦਿਆਂ ਕਿਹਾ ਕਿ ਇਸ ਵਾਰ ਭਾਜਪਾ ਕਿਸੇ ਵੀ ਕੀਮਤ ’ਤੇ ਚੋਣਾਂ ਜਿੱਤਣਾ ਚਾਹੁੰਦੀ ਹੈ। ਵੋਟਰਾਂ ਨੂੰ ਬਹੁਤ ਸਾਰਾ ਪੈਸਾ ਵੰਡਿਆ ਜਾ ਰਿਹਾ ਹੈ।
ਆਪ ਸੁਪਰੀਮੋ ਕੇਜਰੀਵਾਲ ਨੇ ਕਿਹਾ ਕਿ ਭਾਜਪਾ ਬੇਈਮਾਨੀ ਨਾਲ ਚੋਣਾਂ ਜਿੱਤਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇਨ੍ਹਾਂ ਲੋਕਾਂ ਨੇ ਮਹਾਰਾਸ਼ਟਰ ਅਤੇ ਹਰਿਆਣਾ ਵਿਚ ਜੋ ਚਾਲਾਂ ਅਪਣਾਈਆਂ ਹਨ, ਅਸੀਂ ਉਨ੍ਹਾਂ ਚਾਲਾਂ ਨਾਲ ਹੀ ਉਨ੍ਹਾਂ ਨੂੰ ਹਰਾਵਾਂਗੇ। ਉੱਨਾਂ ਦੱਸਿਆ ਕਿ ਭਾਜਪਾ ਨੇ ਵੋਟਾਂ ਕੱਟਣ ਲਈ ਚੋਣ ਕਮਿਸ਼ਨ ਨੂੰ ਅਰਜ਼ੀ ਦਿੱਤੀ ਹੈ ਅਤੇ ਇਕ ਸਾਜ਼ਿਸ਼ ਤਹਿਤ ਵੋਟਰ ਸੂਚੀ ਵਿਚ ਨਵੇਂ-ਨਵੇਂ ਨਾਮ ਜੋੜ ਰਹੇ ਹਨ। ਨਵੀਂ ਦਿੱਲੀ ਵਿਧਾਨ ਸਭਾ ਹਲਕੇ ’ਚ ਉਨ੍ਹਾਂ ਨੇ 5 ਹਜ਼ਾਰ ਦੇ ਕਰੀਬ ਅਰਜ਼ੀਆਂ ਦਾਇਰ ਕੀਤੀਆਂ ਹਨ। ਇਸ ਤੋਂ ਇਲਾਵਾ 7500 ਵੋਟਾਂ ਜੋੜਨ ਲਈ ਅਰਜ਼ੀ ਦਾਇਰ ਕੀਤੀ ਗਈ ਹੈ। ਜੇਕਰ ਉਹ ਇਧਰ-ਉਧਰ 12 ਫ਼ੀਸਦ ਵੋਟਾਂ ਜੋੜ ਦਿੰਦੇ ਹਨ ਤਾਂ ਚੋਣਾਂ ਕਰਵਾਉਣ ਦਾ ਕੀ ਫ਼ਾਇਦਾ? ਇਸ ਤਰ੍ਹਾਂ ਚੋਣਾਂ ਕਰਵਾਉਣ ਦੀ ਕੀ ਲੋੜ ਹੈ? ਕੇਜਰੀਵਾਲ ਨੇ ਕਿਹਾ ਕਿ ਭਾਜਪਾ ਨੇ ਦਿੱਲੀ ਦੀ ਚੋਣ ਲੜਾਈ ਵਿਚ ਹਾਰ ਸਵੀਕਾਰ ਕਰ ਲਈ ਹੈ। ਉਨ੍ਹਾਂ ਕੋਲ ਨਾ ਤਾਂ ਦਿੱਲੀ ਲਈ ਵਿਜ਼ਨ ਹੈ, ਨਾ ਚਿਹਰਾ ਅਤੇ ਨਾ ਹੀ ਉਮੀਦਵਾਰ।
ਕੇਜਰੀਵਾਲ ਨੇ ਕਿਹਾ ਕਿ ਨਵੀਂ ਦਿੱਲੀ ’ਚ ਕੁੱਲ੍ਹ 1,00,600 ਵੋਟਰ ਹਨ। ਜੇਕਰ 12 ਫ਼ੀ ਸਦੀ ਵੋਟਾਂ ’ਚ ਗੜਬੜੀ ਹੁੰਦੀ ਹੈ ਤਾਂ ਚੋਣ ਕਮਿਸ਼ਨ ’ਤੇ ਵੱਡਾ ਸਵਾਲ ਖੜ੍ਹਾ ਹੁੰਦਾ ਹੈ। ਉੱਨਾਂ ਦੱਸਿਆ ਕਿ 10 ਲੋਕ ਵੋਟਾਂ ਕਟਾਉਣ ਲਈ ਅਰਜ਼ੀ ਦੇ ਰਹੇ ਹਨ ਪਰ ਜਦੋਂ ਅਸੀਂ ਜਾਂਚ ਕੀਤੀ ਤਾਂ 10 ਵਿਚੋਂ ਅੱਠ ਲੋਕ ਅਪਣੇ ਪਤੇ ’ਤੇ ਰਹਿ ਰਹੇ ਸਨ। ਜੇਕਰ ਦੋ ਫ਼ੀਸਦ ਤੋਂ ਵੱਧ ਵੋਟਾਂ ਕੱਟੀਆਂ ਜਾਂਦੀਆਂ ਹਨ ਤਾਂ ਇਸ ਦੀ ਜਾਂਚ ਬੀ.ਐਲ.ਓ ਦੁਆਰਾ ਨਹੀਂ ਸਗੋਂ ਈ.ਆਰ.ਓ ਦੁਆਰਾ ਕੀਤੀ ਜਾਵੇਗੀ।
ਅਰਵਿੰਦ ਕੇਜਰੀਵਾਲ ਨੇ ਪੁੱਛਿਆ ਹੈ ਕਿ ਨਵੀਂ ਦਿੱਲੀ ਵਿਧਾਨ ਸਭਾ ਵਿਚ ਅਚਾਨਕ 10 ਹਜ਼ਾਰ ਵੋਟਰ ਕਿੱਥੋਂ ਆ ਗਏ? ਉਨ੍ਹਾਂ ਦਿੱਲੀ ਦੇ ਲੋਕਾਂ ਨੂੰ ਭਰੋਸਾ ਦਿੱਤਾ ਹੈ ਕਿ ਉਹ ਇਕ ਵੀ ਵੋਟ ਨਹੀਂ ਕੱਟਣ ਦੇਣਗੇ।
